Страствена, импулсивна, бунтовна, слободоумна, самоуверена, благодарна, забавна, тврдоглава, темпераментна – тоа е жената Овен. Таа е бестрашна и природен лидер, родена да биде на самиот врв. Секогаш знае како да се справи со новите предизвици и уште едвај чека да започне новиот ден да види што ќе донесе.
Жената Овен знае да биде многу весела и голем авантурист кој секогаш гледа напред, а ретко во минатото. Таа е непоколеблив оптимист, па често се бори и за правата на другите, како и за подобра иднина. Како и сите и таа има мани, а нејзини најчести се себичноста, преголемата тврдоглавост и љубомора.
Кога е заљубена, се чувствува најисполнето. Кога е во врска, не сака да се чувствува поседувана, но повремено покажува посесивност и љубомора.
Романтиката не ѝ е нужна, но затоа пак тежнее кон внимание од партнерот. Таа е помеѓу ретките жени кои може да ја одвојат љубовта од сексот. Некогаш ѝ е полесно да се изрази сексуално, отколку интимно. Во сексот се отсликува нејзиниот авантуристички дух – обожава да испробува нови пози и нови места за секс.
