Никој не е совршен
На ова не потсети и 40 годишната Амал Клуни која иако важи за една од најпознатите модни икони, и таа, впрочем како и секоја друга жена, може да погреши! Новопечената мама изгледа елегантно и гламурозни без разлика дали станува збор за премиера, деловен состанок или опуштена викенд прошетка со пријателките или сопругот. Но кога е во улога на мајка очигледно најважна и е удобноста (како и на секоја од нас, нели?), а тоа го покажуваат и овие фотографии на кои можеме да ја видиме убавата адвокатка во малку нетипично издание пред познат бјути салон во Беверли Хилс.
Имено, Амал деновиве го посети козметичкиот салон „Cristina Radu European Skincare” облечена во црна маица со кратки ракави и необични, широки розови панталони со кои носеше чизми до глужд.
И во својот препознатлив стил целата комбинација ја заокружи со гламурозна чанта „Horizon“ од модната куќа „Givenchy“. Но дури и чантата, за која треба да издвоите преку 3000 долари, не успеа да ја поправи комбинацијата во која Амал изгледаше како Ем Си Хамер.
Но бидејќи познатата адвокатка за човекови права важи и за една од најголемите модни икони на денешницата, и многу ретко греши, нејзе сé и е опростено.
А дека навистина го заслужува местото меѓу најдобро облечени дами на светот можете да се уверите и од фотографиите во продолжение на кои можете да видите неколку нејзини комбинации откако стана мајка на близнаци.
Па, дали ви се допаѓа стилот на Амал?
