Меган Маркл во моментов важи за една под најпознатите модни икони на светот
Откако беше објавено дека 36 годишната актерка е во врска и ќе му биде сопруга на принцот Хари јавноста не престанува да се интересира за неа. Со еднаква страст жените од цела Америка и Велика Британија ги копираат нејзините модни комбинации, па така сé што ќе облече за краток временски рок го снемува од полиците на продавниците. Според модните гуруа ова е само почеток на таканаречената „Меганманија“, а слично беше и со војвотката од Кембриџ и нејзиниот „Кејт ефект“ како што го викаа медиумите.
Откако Меган се прошета во Единбург побарувачката за црни широки панталони порасна за 40 отсто, известува „Lyst“, што несомнено укажува дека многу жени го сакаат стилот на поранешната ѕвезда од серијата „Suits“, односно идната сопруга на принцот Хари.
Од друга страна пак и естетските хирурзи тврдат дека Меган има влијание и на индустријата со пластичните операции, па така денес се повеќе жени доаѓаат во ординациите со нејзини фотографии во рацете.
Таа конечно успеа да ја симне од тронот Кајли Џенер, младата ѕвезда која цели три години ги имаше најпопуларните усни на светот кои секоја девојка сакаше да ги копира.
Но на трендот со видливо зголемени усни за кој најмногу е виновна токму Кајли, која само на 17 години го зголеми усните до неприродна големина, конечно му дојде крајот. Како што пишува британскиот „Look“ сега кај хирурзите најмногу се бараат усни какви што има Меган Маркл.
