Кејт носеше фустан 250 пати поевтин од оној на Меган, а сепак спроед многумина изгледаше поубаво – што мислите вие?
Koj фустан ви се допаѓа повеќе?
Бакингемската палата ги објави официјалните фотографии од Принцот Хари и американската актерка Меган Маркл што ги потпишува познатиот фотограф Алекси Лубомирски. И секако, најмногу внимание привлече фустанот што го носеше познатата актерка.
Станува збор за модел од „Ralph&Russo“ од минатогодишната есенска колекција која чини фрапантни 75.000 долари. За изработката на овој екстравагантен фустан беа потребни повеќе од 3000 часа, а поради превисоката цена во официјалното соопштение од Кесингтонската палатата не заборавија да потенцирааат дека фустанот е купен во приватна режија. Моделот во горниот дел е транспарентен и зачинет со нитни во златна боја, додека долниот се состои од долго здолниште и – за стандардите на британското кралско семејство – исто така може да се смета за мошне провокативен.
Од друга страна ако се потсетиме на фустанот што го носеше Кејт Мидлтон на нејзината прва официјална фотографија, во 2011 година, ќе забележиме дека таа носеше мнооогу поедноставен и поевтин фустан. Нејзиниот избор тогаш беше кошула-фустан од „Reiss“ кој чинеше само 300 долари . Истиот веднаш беше распродаден, па брендот по некое време повторно понуди сличен модел за потрошувачите, и тоа по цена нешто поголема од 200 долари.
Оваа цена фустанот на војвотката од Кембриџ го прави да биде 250 пати поевтин од оној што го носеше Меган Маркл што е уште еден доказ дека немаат баш идентичен стил како што се мислеше на почетокот.
