Анџелина Џоли во неверојатно женствено издание
Познатата актерка со своите деца присуствуваше на проекција на филмот „Star Wars: The Last Jedi“ во Њујорк во фантастично зимско издание. Овој пат главната улога во нејзината комбинација ја имаше долгиот бел фустан на преклоп кој го носеше со рамни високи чизми од „Salvatore Ferragamo“ кои се апсолутен хит оваа сезона и стејтмент ремен од „Ryan Roche“, додека целото издание го „подигна“ со црни ефектни очила за сонце и пуштена коса која нежно и паѓаше преку рамениците.
Нејзината црно-бела комбинација изгледаше прекрасно и покрај тоа што не носеше капут или јакна со кои одлично ќе го заокружеше целото издание, но бидејќи од топлиот автомобил заедно со децата веднаш премина во затворенo, тоа воопшто и не и требаше.
Па, што велите за ова издание на Анџелина?
