Ново беспрекорно издание на шпанската кралица
Шпанската кралица го придружуваше својот сопруг на посетата на Сенегал каде повторно ги воодушеви сите со својот извонреден стил. Овој пат во прашање е мошне интересен фустан од познатата венецуелска модна креаторка Каролина Херера со необичен, апстрактен дезен на кој едноставно не можевме да останеме рамнодушни. Фустанот во моментов е на попуст од 2,390 на 999 долари, но прашање на време е кога ќе го снема и последното парче од продавниците. Конзервативниот крој на фустанот апсолутно се изгуби во приказната на впечатливиот дезен и ефектот што се создава од контрастот на виолетовата и зелената боја, а 45 годишната кралица целото издание го заокружи со елегантни високи потпетици од „Alicia“ (317 долари) и чанта од „Magrit Gabriela“ (352 долари) во нежна пудра нијанса.
Па, дали ви се допаѓа изборот на шпанската кралица?
