Откако првата љубов ја отфрли потполно, а втората ја разочара, познатата актерка повторно е насмеана во прегратките на нов маж.
Една од најпознатите турски актерки Мерјем Узерли која се прослави со улогата на султанката Хурем во популарната серија „Сулејман Величенствениот“ на врвот од својата слава одлучи да направи драстична промена, Имено, таа се повлече од серијата што ја прослави, но и од јавноста и започна да живее едноставен и мирен живот воедно прифаќајќи ја и една од најважните улоги во својот живот – стана мајка.
По кратките, но бурни љубовни приказни, меѓу другото и со таткото на нејзината ќерка, Мерјем повторно доби нова шанса за љубов. Имено, според пишувањето на турските медиуми, сите оние кои се сомневаа дека врската со маркантниот Палестинец кој живее во Египет, Балсел Азаро е само добар меркетинг трик, сега се убедени дека станува збор за вистинска љубов и намера животот да го поминат заедно. Имено, медиумите открија дека Мерјем и Алзаро решиле да живеат во Дубаи, каде се наоѓаат и во моментов и бараат училиште за малата Лара.
