Моден класик кој ќе ја „подигне“ секоја ваша комбинација
Последниве неколку сезони чизмите над колена се еден од најпопуларните трендови кои во колекциите на познатите дизајнерски и хај-стрит брендови важат за неодоливи модни класици. Оваа есен и зима ни се враќа елеганцијата, суптилниот сексапил и ефективниот изглед без разлика дали станува збор за неутрални нијанси во беж, кафеава или црна боја или пак некој стејтмент модел на сезоната од раскошно кадифе во боја на смарагдите.
Популарни се и моделите од сјаен сатен во силни бои кои се совршени за гламурозни изданија, додека рамните модели се одлични за едноставни и лежерни секојдневни комбинации. Неодоливите модели со истакнати високи потпетици ќе внесат доза на елеганција и женственост и во најформалните изданија и секој вечерен аутфит. Можете да ги носите со кратки здолниште и фустани, но и со фармерки и џемпер и повторно да изгледате апсолутно шик.
| види повеќе » |
