Тие беа во центарот на вниманието на целиот Балкан кога пред седум години се појавија во Големиот брат.
Близначките Кристина и Виолета Ралеви станаа популарни со нивното учество во Големиот брат, но набргу по завршувањето на шоуто ја завршија нивната медиумска кариера. Во риалитито најпрво влезе Виолета која со својот отворен и искрен карактер веднаш ги освои симпатиите на публиката. Нејзе и се случи и голема љубов на малите екрани со Карло Загорац кој од друга страна пак не беше меѓу омилените натпреварувачи.
Нивната врска беше бурна, а во еден момент целата ситуација дополнително се заплетка кога во шоуто влезе и Кристина. Виолета во еден момент мораше и да избира меѓу своето момче и нејзината сестра и таа секако одлучи во шоуто да остане Кристина.
Близначките и по завршувањето на шоуто беа мошне популарни. Македонските и српските медиуми постојано пишуваа за нив, и одеднаш во еден момент тие се повлекоа од јавноста и ја завршија својата кариера.
Кристина пред три години стана госпоѓа Кристина Ралева Трајковска, а на фотографијата можете да видите како изгледа во венчаница. Нејзината сестра е уште помистериозна. Таа пред неколку години на Фејсбук објави дека е во нова среќна врска и дека е свршена.
Нејзината некогашна голема љубов, Карло Загорац денес е во среќен брак!
