Меланија Трамп на средбата со Зоран и Зорица Заеви се појави во едно од најдобрите модни изданија што сме ја виделе досега
Едно од најдобрите изданија на Првата дама на Америка
Средбата на премиерот на Република Македонија Зоран Заев со американскиот претседател Доналд Трамп и неговата сопруга Меланија во Њујорк претставува убава можност за зацврстување на пријателствата и остварување идни соработки во интерес на двете држави, напиша Заев под фотографијата што ја објави на социјалните мрежи. Тој како и неговата сопруга беа совршено облечени во согласност со протоколот, но она што нам ни остави најмногу впечаток е изборот на Меланија кој беше полн погодок.
Имено, таа за оваа пригода носеше елегантен црн фустан во комбинација со црни чевли и гламурозна фризура. Комбинацијата не е претерана во ниту еден сегмент, и мораме да признаеме дека поранешната манекенка изгледа прекрасно кога станува збор за типични „all black“ комбинации. Покрај ова фантастично издание Меланија во Њујорк претстави уште една беспрекорна класична комбинација. Овој пат во прашање беше костум во сива боја со кој се појави во седиштето на Обединетите нации.
И на приемот што го организираше Меланија, а на кој присуствуваше и Зорица Заев (види тука), Првата дама на Америка повторно изгледаше беспрекорно. Единствена замерка критичарите и најдоа бидејќи розовиот фустан што го носеше е прескап, но зарем требаше да глуми нешто што не е, кога сите знаеме какво богатство поседува во нејзините плакари.
Што мислите вие за овие неколку изданија на Меланија?
