Совршено есенско издание на Анџелина Џоли зачинето со преубави салонки какви можете да си купите и во ГТЦ или Скопје Сити Мол
Анџелина од овие салонки не се одвојува во последно време
Анџелина Џоли се појави во прекрасна црно-бела комбинација по прикажувањето на филмот „First They Killed My Father“ во Лос Анџелес. Во совршена комбинација познатата активистка високиот гламур го искажа демонстрирајќи ја моќта на монохроматските комбинации овој пат зачинети со „nude“ салонки од кои не излегува во последно време и фантастични „оверсајз“ очила за сонце. Таа носеше бела свилена кошула, раскопчана и вовлечена во црното здолниште со А крој, а целата комбинација ја „подигна“ со црвен кармин и елегантна фризура.
Па ако барате совршена деловна комбинација за оваа есен, слободно позајмете го софистицираниот стил на Анџелина. Наш совет е да набавите и сличен модел на „nude“ салонки кои би требало да бидат направени од природен материјал, бидејќи тие се најудобни. Што се однесува до Енџи, нејзините високи потпетици се со потписот на „Ryan Roche“, а сличен модел можете да најдете речиси во секоја продавница во ГТЦ или Скопје Сити Мол.
Дали ви се допаѓа изборот на Анџелина?
