Ѝ биле дадени само 3 недели живот: Млада мајка починала од рак по раѓањето на своето бебе
39-годишна мајка од Австралија починала по исцрпувачка битка со рак на дојка.
Карин Лав, од Бризбејн, итно била пренесена во болница каде ја родила својата ќерка Били со итен царски рез во 29-та недела, во мај минатата година.
Таа била на возраст од 37 години кога почувствувала болка во грбот, за која сметала дека е поврзана со нејзината бременост.
Еден час по породувањето ја дознала катастрофалната дијагноза.
За жал, дента кога ракот бил откриен, лекарите откриле дека тој веќе се проширил на нејзините коски, црниот дроб и очите и ѝ биле дадени уште 3 недели живот.
Но таа одлучила да ѝ пркоси на болеста и живеела уште 19 месеци после откривањето на болеста. Веста за згаснувањето на животот на младата мајкa била објавена на нејзиниот Инстаграм профил, со натпис:
„Карин Луиз Лав. 1983 – 2022.
Насмевни се за мене, слободна сум. Ви благодарам на сите за љубивта и дибрината низ моето патување. Ќе ве паметам“.
Пред повеќе од една година Карин на социјалните мрежи објавила дека се чувствува многу лошо и дека постои ризик да го изгуби бебето за време на бременоста.
Веднаш започнала со блокатори на хормони, дневна хемотерапија, долга листа на комплементарни лекови, холистички третмани, медитација и органска, алкална исхрана.
Минатата година докторката по алтернативна медицина Камила Чаплин отвори страница GoFundMe за поддршка на Карин и досега се собрани повеќе од 202.000 долари.
На страницата GoFundMe пишува дека Карин им пркосела на дијагнозите, а нејзиното предвремено новороденче останало во болница два месеци.
Кога Карин отиде на преглед кај онкологот, нејзиниот лекар беше импресиониран од нејзините резултати. Многу од нејзините тумори беа намалени. Нејзиниот црн дроб се враќаше во својата нормална големина и изглед”.
Во мај годинава Карин го прослави првиот роденден на Били и сподели фотографии на Инстаграм.
„Каква чест е да го прославам роденденот на ќерка ми и една година од животот“, напиша таа.
„Љубовта беше моето тајно оружје. Љубовта што ја имам за ќерка ми. Љубовта што ја имам за сопствениот живот. Љубовта што ја имам за мојот рак”.
„Отсекогаш сум верувала дека треба да чувствуваш за да се излечиш и дефинитивно чувствував болка и тага, а исто така чувствував радост и чисто присуство. И тоа е нешто што сите го посакуваме. Да се биде присутен и да се живее живот полн со благодарност. Животот е подарок и јас го примам овој подарок со раширени раце”.
На 2 декември, Карин сподели емотивно видео од средбата со нејзината ќерка по враќањето во Австралија од Германија.
За жал, тоа беше последното видео што таа го сподели од нив заедно пред да почине на 12 декември.
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
