Што носи Меланија Трамп на фотографијата на која позира покрај Првата дама на Македонија
Претстедателот Ѓорге Иванов заедно со својата сопруга Маја присуствуваше на приемот што Доналд Трамп го организираше за шефовите на делегациите на 73. Генерално Собрание на Обединетите Нации во Њујорк.
Претседател и првата дама на Македонија позираа покрај контроверзниот претседател на САД, Доналд Трамп и неговата прекрасна сопруга Меланија. Фотографијата од нивната средба беше објавена на официјалниот профил на Facebook на претседателот Иванов.
Поранешната манекенка и сопруга на престедателот на Америка, Меланија Трамп, за приемот и фотографирањето со гостите беше облечена во елегантен црн капут -фустан стегнат со широк, сатенски ремен со кој ја истакна половината. Таа целото издание го заокружи со елегантни високи птоептици, додека првата дама на Македонија носеше комплет зелена нијанса и впечатлив црвен кармин.
За време на престојот во САД, 54-годишната прва дама на Македонија посети детска болница во Мичиген. За оваа пригода, таа избра црно-бел фустан со должина до колена и црно сако додека целото издание го заокружи со елегантни црни чевли со ниски потпетици.
