И во тешки ситуации во екот на пандемијата со коронавирус, семејствата успеваат да шират бескрајна љубов.
Татко од Ирска немаше друг избор, освен своето штотуку родено бебе да го запознае со неговиот дедо преку прозор. Додека Мајкл го држи својот син во раце, неговиот татко е на другата страна од прозорецот.
Оваа емотивна фотографија на „Твитер“ ја сподели сестрата на Мајкл. „Три генерации во екот на социјалното дистанцирање. Мојот татко го запознава својот штотуку роден внук“, напишаа таа под објавата.
Лекарите биле категорични, бебето по напуштањето на болницата да нема никакви контакти со надворешниот свет, па оваа форма на запознавање била едиствената опција за семејството.
„Бебето Фаолан одлично напредува и ужива во популарноста. А мојот татко живее за моментот кога ќе може конечно да го земе својот внук во раце“, дополни таа.
