ФОТО: Сите го знаеме Коста од „Преспав“ – еве како изгледаат СИНОВИТЕ и СОПРУГАТА нa Игор Ангелов

Македонската хумористична серија „Преспав“ уште од првата сезона ги освои симпатиите на публиката.

Се сними и петтата сезона, а македонските гледачи се надеваат и со нетрпени очекуваат и шеста сезона.
Фаовите веднаш ги засакаа сите ликови.

Преку интересни и комични сцени ликовите прикажуваа одредена ситуација или случка.

Актерот Игор Ангелов сите го засакаа по улогата на Коста, еден од тројцата браќа Бузалевски, сопруг на Германката Ула, која ја глуми пејачката Тијана Дапчевиќ.

Децата го обожуваат Игор заради улогата на Цветко во ТВ серијата „5+ Фамилија“, а возрасните заради многуте одлични театарски и филмски улоги.

Тој вели дека граѓаните го стопираат на улица многу често и се однесуваат како да разговараат со Коста Бузалевски.
-За среќа, го немам тоа чувство на популарност. Знам дека луѓето ме препознаваат по телевизиски ликовите кои ги играм во сериите и на улица кога ќе ме сретнат често ме нарекуваат со имињата од ликовите кои ги глумам во сериите. Младата популација ме вика дедо Менде, детективот, ќе речат еве го Цветко, а повозрасните, еве го Коста.

За среќа, кога ќе излезам на театарска сцена и кога глумам во претставите не ми се случувало публиката да го препознае Коста. Не се случило ниту да бараат да одглумам нешто и не се ставам во таква ситуација. Обично кога бара некој нема да го добие, но затоа кога мали деца ќе ме сопрат на улица и кога ќе ме препознаат се случува да не се сигурни дали сум детективот Цветко или дедо Менде.

И сега јас по моја желба знам да го одглумам дедо Менде, па после и детективот, затоа што децата на мала возраст не знаат дека е тоа ист актер кој глуми два различни лика, изјави актерот во интервју за Вечер.

Игор Ангелов е роден на 1 октомври 1977 година во Скопје. Високото образование го завршил на Факултетот за драмски уметности во Скопје, каде што дипломиран на одделот Драмски актери. По дипломирањето работел во Прилепскиот народен театар, а денес работи во Драмскиот театар во Скопје. Во својата кариера учествувал во бројни театарски, филмски и телевизиски проекти.

Освен што е мошно успешен во својата кариера, тој одлично плива и во брачните води.

Приватно сосема поинаков од Коста, сопруг на Ева и татко на вајцата синови Јаков и Андон, кој секоја година прави свое вино, живее во куќа во Брадовци, има свое лозје, а во бавчата одгледува органска храна.

-Отсекогаш сакав да обработувам земја, да имам бавча и лозје, да произведувам вино, ракија… да уживам во едноставните нешта, да бидам почесто надвор. Тоа е тоа. Можеби тоа дека актерот по автоматизам е боем е клише и јас сум надвор од тоа. Можеби тоа го правеа некои од постарата актерска генерација во државава и беа уникатни и успешни во тоа. Но, го тераа театарот и работеа и тоа што го сработеа во театарот и филмот остана како антологија.

И затоа ги почитувам. Јас по природа не сум таков човек. Еве, во последниве пет години активно трчам полумаратони. Најдов убавина во тоа, затоа што ми помага и ме одмара. И од рекреативното трчање преминав на совладување полумаратони, не само кај нас, туку и во другите градови во регионов“ изјави Игор за Точка.мк

Со неговата сопруга Ева се запознале во средно училиште, кадешто учеле заедно. Вели дека нејзе добро ѝ одело математика, а нему не, па морал да зема часови од неа.

-Почна да ми помага да учиме заедно, да ги поправам оценките. Тогаш се појави таа љубов којашто трае, кажа Игор во интервју за Репортер.