Популарниот Диџеј Ицко од „Антена 5 Македонија“ на 48-годишна возраст, ја загуби битката со опасниот коронавирус. Неговите колеги и пријатели утрово почнаа да објавуваат фотографии и пораки со кои се простуваат од диџејот и љубител на музиката. Тој подолго време боледувал од Ковид-19.
Диџеј Ицко на клупската сцена во Македонија ѝ е познат веќе повеќе 15 години.
Прогресивната музика е основен елемент на неговите миксови во комбинација со електро и вокални елементи кои прават интересна фузија и вистинско задоволство на „хаус“ музика.
Веќе 10 години беше дел од најголемата радио станица во Македонија. Се смета за легенда одговорна во најголем дел од развојот на електронската сцена во Македонија на највисоко ниво, а неговите емисии на радио се добро познати и надвор од Македонија.
Покрај диџејството тој беше и фамилијарен човек, сопруг и татко на две деца.
Неодамна го прославил 18-роденден на својот син.
Еве како неговите пријатели се простија од него:
