Северина Којиќ вчера беше запрена од полицијата околу 21 часот во близина на еден трговски центар во Белград.
Полицијата го запрела БМВ-то со загрепски регистарски таблички, а при проверка откриле дека пејачката нема дозвола да се движи за време на полицискиот час и затоа била однесена во најблиската станица.
Таа потоа беше спроведена до судија за прекршоци.
Северина беше уапсена вчера во Нов Белград, каде се возела во својот автомобил за време на полициски час.
Пејачката имала три различни сведочења зошто ја напуштила куќата за време на полицискиот час.
Како што пренесуваат медиумите, таа била казнета со 50.000 динари. Познатата хрватска пејачка се согласила да ја плати целата казна веднаш.
Инаку, Северина ги менувала своите искази, најпрво велејќи дека тргнала да оди во аптека, а потоа ја променила нејзината приказна. Таа потоа изјавила дека само сакала да го препаркира автомобилот, но и дека се расправала со нејзиниот сопруг Игор Којиќ.
За прекршување на полицискиот час, од судија за прекршоци во Србија предвидена е парична казна во износ помеѓу 50.000 и 150.000 динари. Еве што имаше да каже познатата пејачка за тоа што беше приведена.
„По налог на дежурниот судија за прекршоци, јас ќе бидам кривично гонета во таканаречената скратена постапка. За прекршување на полицискиот час, кај прекршочниот судија е предвидена глоба од 50.000 до 150.000 динари. Доколку го повторам овој прекршок ме чека казна затвор. До тоа нема да дојде со сигурност “, рече пејачката.
