Иако сите хороскопски знаци имаат предиспозиции да станат успешни, 3 од нив буквално секогаш ги добиваат битките, бидејќи никогаш не се откажуваат од своите соништа. Во продолжение дознајте кои се тие…
Јарец
Јарецот се смета за еден од највлијателните знаци во зодијакот. Овој хороскопски знак е многу дисциплиниран, моќен и успешен. Јарците не се плашат од стрес и загуба, бидејќи тие знаат дека им е судено да бидат авторитети. Нивниот пат не е воопшто лесен, но доколку ги следат знаците на универзумот, ќе можат да станат неверојатни луѓе.
Жената Јарец е подготвена да направи сѐ што е во нејзина моќ за оние кои го сака, но мажот кој го има избрано мора да ги исполнува нејзините потреби. Таа знае да се грижи за себеси и да биде самостојна – има свој стил на облекување, чиста е и педантна, и помалку формална.
Иако се плаши од заљубување, тоа не ја спречува често да се заљубува. Нејзината надворешност прикрива длабоки чувства и емоции кои таа ги чува за луѓето кои ги смета за посебни. Доколку не ви обрнува внимание, тоа значи дека ништо не и значите, бидејќи токму така таа ги дели луѓето во својот живот. Не губи време на луѓе кои не ја привлекуваат, кои немаат харизма и кои и делуваат безлично.
Жените родени во овој знак иако имаат проблеми да ги покажат своите вистински емоции, спаѓаат во оние емотивни личности и често паѓаат во длабоки и темни нерасположенија поради нивните чувства. Жената Јарец мрази неискреност од дното на душата, а ако почувствува дека е излажана, не губи време, туку веднаш ги прекинува нештата.
Таа секогаш цврсто стои со двете нозе на земја. Кога бира партнер, не верува во бајки, туку и е потребна емоционална и финансиска стабилност. Често, дури и да наиде на принцот на бел коњ постојано ќе го става на тест, не верувајќи дека тој е вистински.
На многу луѓе им е тешка нејзината резервираност и студен поглед. Но, понекогаш само со еден допир или движење можете да ја симнете нејзината маска.
Јарците се успешни доктори, хемичари, биолози, адвокати, астрономи, банкари, трговци со недвижнини и пејачи. Еден од најсилните претставници на овој знак е музичката легенда Елвис Присли. Тој е еден од ретките Јарци кој му дозволил на хедонизмот да завладее со неговата дисциплинираност и да го уништи.
Овен
Овенот е многу храбар хороскопски знак. Ретко кој го поседува неговиот ентузијазам и одлучност. Тој секогаш ги завршува работите до крај. Овните поседуваа неверојатна харизма што им помага да бидат бестрашни и непобедливи. Овните секогаш преземаат иницијатива и се движат напред, без да се свртат назад. Токму затоа, Овните најчесто стануваат лидери, шефови и директори кои никогаш не мируваат. Тие секогаш ги исполнуваат своите ветувања, но истото го очекуваат и од нивните соработници. Најмногу мразат предавства, лаги и малодушност.
Овните се управувани од нивната возбуда и страст за успех. Секогаш имаат некаква цел според која се водат и најчесто успеваат да го реализираат тоа што ќе го наумат. Овенот е амбициозен, решителен и цврст знак. Друга типична карактеристика за овните е спонтаноста. Во еден момент можете да гледате како некој овен работи концентрирано на некој проект, а во друг момент можете и воопшто да не го видите бидејќи тој се качил на авион за да отпатува на некоја импровизирана дестинација.
Овните имаат нешто повеќе од харизма; тие истовремено зрачат со моќ и уникатен шарм. Појавата на овенот е магнетска, а сите луѓе околу него потклекнуваат на неговите флертувачки и умилкувачки способности. Оваа негова карактеристика го прави овенот да биде премногу привлечен и неодолив.
Ако никогаш не сте биле во близина на некој кој зрачи со толку многу сексапил, тогаш дефинитивно ќе бидете шокирани. Способноста да го привлече и предизвика спротивниот пол доаѓа многу природно кај овој хороскопски знак. Тој знае каков ефект предизвикува и ужива во својата сексапилност. Овенот е бесрамен флертувач кој повеќе го обожува „бркањето плен“ отколку фактичкото „уловување“ на оној партнер кон кој чувствувал привлечност. Тој едноставно не може да си помогне: обожава сè што е ново во неговиот живот и што вклучува луѓе. Во секој случај, не постои никаква причина да не им се верува на овните кои се во врска, бидејќи тие се ретко неверни.
Припадниците на овој знак се добри хирурзи, градежни инженери, војници, војсководци, глумци и комичари, како што е Чарли Чаплин, на пример. Овните се исто така многу добри љубовници. Доколку се најдете во близина на овој знак, нема да имате простор за забушавање. Подгответе се за напорна работа, бидејќи единствено така ќе можете да победите и да оставите добар впечаток пред вашите претпоставени.
Стрелец
Со овој знак владее планетата Јупитер која претставува моќ, успех, уживање и среќа. Стрелецот е знак на веселбата и егзотиката. Тој сака храна, пиење, патувања, музика, се бори против неправдите и го цени пријателството. Неговиот дух е млад, а надворешниот изглед е убав и спортски граден. Стрелецот ги обожува благородните спортови, како што е тенисот. Припадниците на овој знак се префинети аристократи, а понекогаш и бунтовници, кои ја почитуваат традицијата, но сепак одат по својот пат. Стрелците би биле добри свештеници, астролози и пророци.
Не е лесно да се соработува со Стрелците, бидејќи знаат да бидат многу строги и напорни. Тие честопати ги казнуваат своите работници, но тоа е повеќе непријатно одошто е трагично. За овие родени хедонисти нема поголема казна од тоа да останат без уживање и пари. Имаат големи животни апетити, кои на крајот успеваат да ги остварат. Претставници на овој знак се големите музички легенди Френк Синатра и Тина Тарнер, чиј постигнат успех сѐ уште трае. Не заборавајте дека вратите им се отвораат на луѓето кои веруваат во себе.
