Прва фотографија на Турунџиева со внучето – ова е нешто што ЌЕ ВИ ГО РАЗУБАВИ ДЕНОТ
Македонската пејачка, водителка, професорка по музичко и писателка, Сузана Туруниева е жената која е симбол за храброст и борбеност.
Турунџиева е една од нашите најубави и најпознати водителки, но зад нејзината успешна кариера стојат години и години макотрпна работа.
Таа на својот Инстаграм и Фејсбук профил споделува мудри и инспиративни мисли, кои предизвикуваат бура реакции од нејзините фанови.
Мајка е на две прекрасни ќерки, Лора и Матеа.
Лора ја доби во бракот со пливачот Александар Маленко, а Матеа во бракот со Маријан Јовановиќ, познат скопски угостител, кој почина пред неколку години.
Повеќе од една година, Сузана е и горда баба на внукот Јаков. Нејзината ќерка Лора и зетот Филип Наунов во 2019 година станаа родители на своето прво дете, кој е сега најголема радост во семејството и уште една причина за живот на Сузе.
Како што кажа Сузе, на свадбата на Лора и Филип имало околу 140 гости.
„Покрај шестчлениот бенд за атмосферата беше задолжен Сефедин Бајрамов, мој многу добар пријател и колега со кого заедно настапував, кумата на Лора – Олгица Христовска, сега Кошутиќ, а зетот Филип и неговите браќа, внукот Бојан и зетот Сашо од Битола заедно пееја“, изјави Сузе.
Но, таткото на Лора сепак не бил поканет и не присуствувал на веселбата.
„Маленко не беше поканет, затоа што Лора одлучи така. Воопшто не беше ни предмет на дискусија. Не комуницираме. Кога ќе видиш дека некој човек не е дораснат за улогата на родител едноставно немаш ни зошто да комуницираш“, порача Турунџиева.
Сузана за раѓањето на внукот на оригинален начин објави на Фејсбук.
„Седете мирни, ноќеска ми се случи човекот на мојот живот! Радост невиденааа, да ни е здрав и среќен“, напиша водителката.
„За жал не се гледаме многу често, но затоа уживаме во секоја прилика кога ќе ни се даде можност да бидеме заедно.
Дистанците и стравот од можни компликации го направија своето, и сите се трудиме да почитуваме мерки за максимално да исклучиме некаков ризик.
Јаков е единствениот маж кој ми го зароби срцето. Тој ме има „купено“ за цел живот. Неговата насмевка, прегратка, особено неговиот мирис, се најголемиот подарок за мене“, изјави во интервју за Женски магазин Сузана.
По повод Денот на Вљубените, водителката сподели фоторафија на која цврсто го прегрнува Јаков, а во опис напиша: „Љубов“.
Се чини дека малото момче уште долги години ќе остане единствениот маж во животот на Сузе.
Таа е активна на социјалните мрежи каде често и споделува фотографии од своето семејство.
И покрај сите тешкотии кои ги искусила, Сузе сѐ уште ја има широката насмевка на лицето по која е препознатлива и се обидува да ги мотивира и инспирира и останатите луѓе.
Во последно време таа е многу актуелна по средбите со хероината од филмот „Медена земја“, Атиџе Муратова.
Таа на својот Фејсбук профил објави фотографии од посетата на кои се гледа дека се прегрнуваат, пијат кафе и разговараат.
-Не престанавме 2020та да ја нарекуваме лоша, никаква, негативна, промашена година… Е па за мене 2020та е годината која (иако ми тргна лошо) ќе ја паметам по многу добри нешта, а најдоброто од се е пријателството со Атиџе- жената која ја испрати најсилната порака во светот и хероина, која во целост ја промени мојата “диоптрија” на животот.
Има малку моменти и ситуации за кои ми недостигаат зборови да се искажам… ова е еден од тие… Ќе оставам сликите и видеата да ви раскажат…Му благодарам на животот што ми даде прилика да ја посетам, да пиеме кафе, да се гушкаме, да пееме и да се смееме..
Фала ти животе, напиша Турунџиева во опис на фотографиите.
По извесно време и Атиџе дојде на прошетка во Скопје, каде заедно со Турунџиева направија една обиколка низ градот, а и запејаа заедно.
Тие својата дружба ја овековечија со фотографии и снимки кои Сузана ги сподели на социјалните мрежи.
„Скопје е убаво, ама Бекирлија не ја дава за Скопје“, напиша водителката во опис на фотографиите направени во центарот на градот.
Нивното пријателство се зацрвсти, а според фотографиите кои се нижат на Фејсбук тие не испуштаат момент да не поминат заедно:
