Почина Дивна Карлеуша: Болеста ја криеле од јавноста од 2016 година

Дивна Карлеуша почина денеска на 61-годишна возраст во својот дом, по тешката борба со ракот.

Дивна во 2016 година била примена во болница поради проблеми со дишењето и белите дробови кога почнала да кашла крв. Од тогаш почнала нејзината борба со тешката болест.

Дивна Карлеуша беше родена во 1958 година во Словенија, а во Србија остана запаметена како некогашна водителка на „Радио Белград“. Таа се занимаваше со новинарство 33 години. Дивна Карлеуша е мајка на српската пејачка Јелена Карлеуша.

Mајката на Дивна Карлеуша, Дара, не сакала ни да слушне нејзината постара ќерка да се забавува со Здравко Чолиќ, кој во тоа време бил голем шармер.

Дивна Карлеуша била голема љубов на Здравко Чолиќ

Успешната водителка била негова голема љубов, а доколку нејзината мајка не се противела на нивната врска, којзнае што ќе се случело.

Сепак, само еден бил по вкус на нејзината мајка – Драган Карлеуша, во тоа време тапанар од групата „Проарте“. Дивна за него се омажила на свои 19 години и ја родила Јелена. Пред десет години Драган Карлеуша бил еден од првите луѓе на српската полиција.

Во акцијата „Сабја“, меѓу останатите, била уапсена и Цеца Ражнатовиќ, па оттогаш трае и медиумската војна меѓу Јелена и Цеца.