Пејачката Вања Кнежевиќ драстично го промени имиџот, фановите ИЗНЕНАДЕНИ – благодарение на Цеца се враќа на сцената
Младата пејачка Вања Кнежевиќ е една од личностите за кои најмногу се зборуваше во изминатиов период.
Пејачката беше дисквалификувана од музичката шоу програма „Ѕвездите на Гранд“ откако на социјалните мрежи сподели навредливи коментари на сметка на претставниците на членовите на жирито на овој ТВ формат, по што следуваше нејзино обвинување за вербално малтретирање.
Но по немилиот настан што и се случи во музичкото шоу, на Вања и се насмевна среќата кога креативниот тим на Светлана Цеца Ражнатовиќ реши да и помогне.
Тие и го обезбедија снимањето на нејзината прва песна која наскоро треба да го види светлото на денот.
Вања за тоа време не седи со скрстени раце, туку реши да го промени имиџот и да се претстави во едно ново светло пред публиката.
Таа на социјалните мрежи се пофали со нова фризура, а многумина и порачаа дека со шишки изгледа прекрасно.
Нова балканска мега ѕвезда?
Да потсетиме, по настапот на Вања кога Јелена Карлеуша и кажа дека изгледа како тетка, гледачите бурно реагираа и изразија поддршка за неа со своите објави на социјалните мрежи. Некои од нив Вања ги сподели на својот профил, но тоа и запречи на Карлеуша и побара младата пејачка да биде исфрлена од натпреварот. Саша Поповиќ тоа и го направи, но по неколку дена мораше да се појави во утринската програма и да објасни зошто го направил тоа.
Кнежевиќ привлече големо внимание на јавноста заради судирот што го имаше со Карлеуша, кога многумина застанаа на нејзина страна, а меѓу нив и Цеца Ражнатовиќ. Таа благодарение на фолк дивата ја снимаше својата прва песна која наскоро треба да излезе, а како што кажуваат извори блиски до младата пејачка, пријател на нејзиното семејство од Бања Лука наводно стапил во контакт со фолк дивата и ја замолил да и помогне на Вања, како со совети, така и со некоја препорака меѓу своите колеги. Цеца наводно ветила дека ќе даде сé од себе, а тоа брзо и го реализираше.
Им се јавила на своите соработници и ги прашала дали би направиле песна за Вања, што тие веднаш го прифатиле.
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
