“Оние кои ме озборуваат ми го полнат џебот”: Агнеса искрено за хејтерите- постојано зборуваат за мене а ништо не правам
Агнеса Органџиева денес важи за една од највлијателните инфлуенсерки кај нас а македонската јавност ја запозна пред повеќе од 2 години, кога доживеа јавен развод.
Имено, нејзиниот поранешен сопруг, преку фејсбук статус објави дека се разведуваат и се крена голема галама.
Скопјанката Агнеса Органџиева за кратко време стана една од најпознатите македонки на социјалните мрежи.
Само на нејзиниот Инстаграм профил има над 100 000 следбеници.
Денес важи за една од најконтроверзните но и најзгодни дами во Македонија. После јавниот развод нејзината популарност на социјалните медиуми вртоглаво порасна, а денес нема бренд што не ја бара за соработка и маркетинг.
Викендов Агнеса беше гостинка во емисијата на Снеже Велков, “Нешто Конкретно” и на темата озборувачи имаше што да каже.
Имено таа истакна дека секогаш озборуваат оние на кои си им важен или пак кои завидуваат на успехот на одредена личност.
-Оние кои озборуваат се љубоморни, празни во душите, несреќни од домот, фамилијата, и едноставно кога ќе се појави некоја личност како Агнеса, Нора. Самата појава ги фрустрира. Ме гледаат мене на портал, дотерана и ома се гневни, тоа доаѓа одвнатре. Некогаш подобро би било да го прекинеш тој гнев, да ставиш еден лајк, на сликата, така ќе биде посреќна особата. Мора да се борат за душевен мир, рече Агнеса.
– На почетокот читав коментари, да боли, едноставно доаѓаш до некој момент кога сфаќаш мирот каде е, деца имаш дома,поголемата ќерка ми вика мамо не читај и толку крај. После децата ми ги факаат, тука збеснувам, за мене што сакате зборувајте но децата не ми ги пипкајте, истакна Агнеса.
-Жените озборуваат најчесто. Оние кои не ме познаваат си даваат право да озборуваат. Имаше една ситуација кога една девојка пишуваше дека јас изгледам онака како што изгледам, моите ќерки биле пополни, едноставно така сакам да биде. Потоа седам на кафе, се погодува истата девојка пред мене, ми вели Агнеса може едно селфи, јас и велам девојко, прво ќе седнеш со мене, да испиеме кафе, да ме запознаеш а не поради една фотографија да даваш мислење. Седна девојката, се извини и потоа се фотографиравме.
-Јас си имам свој фидбек кога ме озборуваат. Се полни Инстаграм, џепчето се полни, и мене ми одговара тоа, рече познатата инфлуенсерка.
