Овој Македонец го воодушеви целиот Балкан- погледнете што направи во пунктот за вакциниција во „А1 Арената“
Карантинот и пандемијата ги натера луѓето да бидат креативни, па оттаму произлегоа многу нови музички хитови.
Легендарните Александар и Дац на почетокот на пандемијата направија интересна преработка и ја снимија песната „Корона чао“, а сега имаат и нов хит.
Направија нов кавер на светски познатата „Марина“ од Роко Граната, но ја обликуваа и произлезе „Вакцина“.
Доволно вакцини немаме ама затоа имаме песна и уникатни музичари. Драган Спасов Дац и кантавторот Александар Митевски, наместо Марина, пејат „вакцина“. Тие пеат заедно со нивните пријатели музичари и специјалниот гостин Денис Јанкуловски Космонаутко направија незаборавен хит.
Песната стана хит на социјалните мрежи, а на неа танцуваа и здравствените работници од спортската сала А1 Арена, каде што тече процесот на масовна вакцинација, здравствените работници на чело со Денис Јанкуловски Космонаутко, играат и пеат стиховите од песната.
Дац и Александар велат дека „песната е составена од пораки на Вибер, a видеото е снимено со телефонот на Дац“ спонтано додека сите биле собрани за снимање. Ова е подарок за сите нивни фанови од Македонија и регионот.
„Малце ќе ве пецне, малце ќе ве боцне“ и весела атмосфера се шири на социјалните мрежи, а истото го споделуваа и медиумите од регионот.
„Колку Македонците со нетрпение ги чекаа вакцините, покажува и ова видео што кружи на Интернет и на кое медицинските работници од еден пункт за вакцинација радосно пеат песна со вакцини за спасување живот.“ пишуваат од „Србија Денес“ и потресуваат дека токму Србија беше таа која на Македонија прва и подаде рака и ѝ донираше вакцини и тоа не само еднаш туку двапати досега.
Видеото од веселиот тим на лекари донесе многу позитивни реакции и насмевски, а песната „Вакцина“ стана вистински хит па за само неколку дена е прегледана повеќе од 100 илјади пати.
Лани, ова време Дац и Александра го објавија хитот “Корона Чао” а нивната обработка ја сподели и претседателот на Бугарија, Бојко Борисов на својот фејсбук приофил.
