Периодот на прослави и забави полека но сигурно се приближува, па ова е совршен тајминг да почнеме со подготовките.
Веќе стасавме до средината на ноември, што значи дека за само неколку недели пристигнува најлудата ноќ во годината. Токму затоа ова е и совршено време да тргнеме во лов на гламурозен фустан во кој максимално ќе заблескаме на новогодишната ноќ, но и одлична можност да посветиме внимание на својот стил и да дадеме се од себе да бидеме шик. Облечете ги високите потпетици додека одите на прошетка со кучето, облечете се како Џери Хол кога одите во продавница, облечете се формално и за лежерен појадок.
И тргнете да го барате вашето идеално парче за забава…
Ние секако ќе ви помогнеме полесно да го направите изборот. Овој пат со најдобрите модели од познатиот шпански бренд Манго зачинети со светкави материјали, мониста, кадифе….
Сезонава посебно се ИН и свечените комбинезони, кратките фустани и лелеавите парчиња со кои ќе блеснете во вашето празнично расположение дополнето со впечатливи додатоци како златни чанти, металик сандали со високи потпетици и неодоливи предимензионирани обетки.
Светот е полн со обични нешта . Создадете го вашето уникатно сценарио. Побарајте го вашето идеално парче …
Моделите разгледајте ги во нашата галерија …
