Македонецот дисквалификуван заради бугарска песна во „Ѕвездите на Гранд“? Поповиќ го опомена…

Шармантниот пејач од Македонија, Дарко Ѓорѓески, во последната емисија на „Ѕвездите на Гранд“ настапи во дуел со Амна Јусиќ од тимот на Марија Шерифовиќ.

Тие настапија последни во емисијата, а Дарко се претстави со „Тајно моја“ од Тоше Проески и „Сен Тропе“ од Азис.

И двајцата кандидати освоија по пет гласови што не беше доволно директно да се пласираат за во следниот круг.

Но она што ги изненади сите во студиото беше коментарот на Саша Поповиќ наменет за пејачот од Македонија.

„Што си ти по националност?“ го праша креативниот директор Поповиќ нашиот натпреварувач, по што тој му одговори:

„Македонец“, одговори Дарко.

„Па, зошто тогаш пееш на бугарски? Ова е дисквалификација затоа што го прекрши правилото“, заклучи Поповиќ по што во разговорот се вклучија и останатите претставници на жирито.

„Работата е проста, ако не е на мајчин јазик тогаш не требаше! Само Ромите можат да пеат на сите јазици. Тука може да се прогледа низ прти, но ти оваа песна не ја пееше како што треба, изјави Драган Стојковиќ Босанац.

Ја поддржувам идејата тука да се пее на сите балкански јазици. Кај мене на Милиграм ми гостува Азис со една интересна песна, но тој инсистираше да пее на српски. Тоа го поддржувам, додаде Александар Милиќ Мили.

Ставот на Мили веднаш го подржа Вики Миљковиќ, но дискусијата околу јазиците ја прекина Поповиќ кој им кажа на кандидатите:

„Добро, повее не мора да дискутираме, и двајцата кандидати одите во бараж и нека ви е со среќа“, им порача тој на Дарко и Амна.

Инаку, в оваа емисија само неколкумина успеаја да ги исполнат критериумите и директно да се пласираат во следниот круг.

Но затоа во баражот беше густо и напнато до самиот крај, но Дарко и Амна сепак успеаја да поминат во следниот, седми круг.

Фото: Инстаграм/ Дарко Ѓорѓески

Фото: Инстаграм/ Дарко Ѓорѓески

Фото: Инстаграм/ Дарко Ѓорѓески

Фото: Инстаграм/ Дарко Ѓорѓески

Фото: Инстаграм/ Дарко Ѓорѓески