Бредли Купер се појави на концертот на Лејди Гага во Лас Вегас и ја воодушеви публиката.
Познатиот актер во еден момент се појави на сцената, па Гага му даде слушалки и заедно во дует ја испеаја песната „Shallow”од филмот „A Star Is Born”, која беше номинирана и за Оскар. Пејачот и актерот еден со друг се шегуваа пред да запеат, а тој во еден момент, со манири на вистински рокер, им се обрати на присутните, велејќи: „Здраво, Вегас”
Гага седеше за пијано, а Купер ѝ се придружи и седна покрај неа за да ја изведат песната. Видеата од концертот ги преплавија социјалните мрежи и предизвикаа серија на воодушевени коментари.
Песната „Shallow“ го освои Златниот глобус за најдобра оригинална песна, и во истата категорија беа номинирани и за Оскар. Лејди Гага и Бредли Купер беа номинирани и за најдобра актерка и најдобар актер, а филмот „Ѕвездата е родена” е номиниран за најдобар филм.
