Конечно направен голем исчекор во борбата со короната: Лекувањето со овој лек ги зголемува шансите за опоравување до три пати
Прелиминарните резултати од клиничкото испитување сугерираат дека новиот тип на лекување на ковид-19 може драстично да го намали бројот на болни на кои им е потребна интензивна нега, објави Би Би Си.
Информациите ги презентираше британската биотехнолошка компанија Синаирген поја развива нов лек кој помага во борбата со последиците од коронавирусот, а истиот употребува претеин бета интерферон кој инаку телото го произведува кога ќе го нападне инфекција.
Заболените од коронавирус би требало овој протеин да го вдишат директно во белите дробови со помош на таканаречениот небулизатор, за да стимулира имунолошки одговор. Почетните резултати укажуваат дека изгледите за развој на тешка форма на болеста ковид-19 кај болнички пациенти, кои имаат потреба од респиратор, се намалени за дури 79 отсто.
Досега се изгледаше многу оптимистично – изгледите за опоравување на пациентите до точка во која болеста не ги загрозувала нивните секојдневни активности, биле за два до три пати поголеми. Испитувањето исто така покажало значајно намалување на симптомите како што е овој, кога пациентите се жалат дека останале без здив.
Просечното време на престој во болница е намалено за третина за оние на новото лекување – од просечни девет паднаа на шест дена хоспитализација. Двојното слепо истражување опфати 101 доброволец на лекување во девет британски болници. Половината користела лекови, а половината плацебо – лекови без дејство.
Би Би Си пишува дека овие резултати сѐ уште не поминале научна рецензија, ниту се објавени во било кој признаен здравствен магазин, па овие тврдења треба да се земат со резерва.
Но, доколку резултатите се точни ќе биде тоа многу значаен чекор напред во лекувањето на инфекции предизвикани од коронавирусот, а научникот Тим Вилкинсон истакнува дека ваков третман би „можел да промени сѐ “.
„Истражувањето е релативно мало, но е сигналот дека ваквото лекување е од голема корист е многу силен“, заклучи Вилкинсон.
