И гинекологот, и дадилката, и принцот – сите се подготвени, се чека Кејт Мидлтон да се породи!
Кај нив ништо не е оставено на случајности
Кејд Мидлтон и принцот Вилијам очекуваат принова во април оваа година. Тоа ќе биде нивното трето дете, а како што јавуваат странските медиуми Кејт веќе резервирала луксузен апартман во Линдо Винг во лондонската болница во која на свет ги донесе малиот принц, а потоа и принцезата. Покрај резервацијата на апартманот, Кејт се потруди да ја породи и истиот гинеколог Алан Фартинг кој ги породи сите членови на кралското семејство. Според извори блиски до семејството, докторот поради Кејт го одложил заминувањето во пензија. Таа е подготвена за се што ја очекува, сепак станува збор за трето породување, па и самото семејство не се грижи премногу околу доаѓањето на новото бебе и нема да вработува нови луѓе.
Тие се задоволни од нивната дадилка, Марија Борала, и од домашната помошничка која е со нив веќе со години. Од друга страна и Џорџ и Шарлот веќе се големи и одат во градинка, па Кејт и Вилијам ќе имаат повеќе време за приновата.
