Испливаа фотографии од младоста- еве како изгледала Сузана Спасовска некогаш и сега
За неа времето како да застанало, а годините не и можат ништо.
Македонската фолк легенда во последниве години често ја гледаме во изведба на македонски народни песни, а летово работно во „Танец“ таа имаше неколку изведби на кои гордо се пофали.
Она што е евидентно дека Сузе изгледа преубаво во македонска народна носија, но и дека се чини дека за неа времето застанало а таа изгледа неверојатно.
Иако од почетокот на кариерата па се досега нејзиниот стил драстично се измени, препознатливата Сузе со руса коса сè уште важи за вистинска дама со стил.
Нашата Сузе или македонската Лејди Гага отсекогаш била пред времето и уште на почетокот на својата кариера беше поразлична од другите и се појавуваше во ексцентрични сценски костими, какви македонската публика дотогаш немала видено.
Гостувала речиси низ целиот свет: САД, Канада, Европа, Австралија, а имала и настапи на врвни светски сцени, како: Ватрослав Лисински – Загреб, Цанкарјев дом – Љубљана, Брукс центар – Мелбурн, Опера хаус – Сиднеј и др.
Уште од дете настапувала во голем број хорски ансамбли и пејачки групи. Подоцна постигнала извонредна пејачка кариера, изведувајќи неколку стотини народни и авторски фолк песни.
Сепак на почетокот на својата кариера таа носела мн посмели комбинации и фризури, а на својот фејсбук профил објави неколку фотографии од младоста, а една од фотографиите е направена во 1986 година.
Ако добро ги погледнете фотографиите ќе сфатите дека Сузе била „Лејди Гага“ многу пред Лејди Гага.
