За оваа наша фолкерка велат дека плива во пари – носи само скапа и БРЕНДИРАНА облека и изгледа поубаво од кога било досега

Важеше за една од најубавите фолк- пејачки, а денеска е среќно мажена и посветена мајка на две деца.

Сигурно се сеќавате на фолкерката Јасмина Мукаетова која пред десет години се откажа од својата музичка кариера од љубов и се пресели во Америка.

Нема кој не ја памети по ангелскиот глас и русата и впечатлива виткана коса.

Таа се омажи за својот сакан Трајче, по потекло кавадарчанец од Њу Џерси во 2008 година.

Круна на нивната љубов се нивните два сина, Диме и Зуко.

Додека настапуваше и професионално се занимаваше со музика, Јасмина Мукаетова беше една од најпопуларните и најангажираните пејачки на македонската сцена.

Сега ако го погледнете нејзиниот профил на Инстаграм, ќе видите дека Мукаетова е на скоро секоја фотографија е во брендирана гардероба, носи очила вредни стотици евра, вози во автомобили што чинат илјадници евра и што уште не.

Нејзините семејни одмори со сопругот и децата се на луксузни дестинации како што се Бахамите, Куба, Мексико и слични егзотични земји

Сега е посветена мајка, а во едно интервју рече дека и двајцата нејзини синови се многу музикални свират на пијано и труба, но сепак повеќе ги интересира спортот и тренираат фудбал.

Јасмина Мукаетова и нејзиниот сопруг Трајче Ристевски пред 3 години прославија една деценија брак со класична свадба наместо забава.

Сепак според нејзините објави евидентно е дека Јасмина воопшто не се променила.

И покрај раѓањето на две деца, изгледа извонредно, а нејзината линија е совршена.

Јасмина направи обид и пред неколку години да се врати во музичките води со обработка на песните „Дејгиди луди млади години“ и „Море сокол пие“ за кои сними и видеозапис, но сепак одлучи да се посвети на нивниот семеен бизнис.

„Како резултат на моето долгогодишно работење во областа на транспортот, кога дојдов тука во Америка, почувствував потреба да го усовршам моето познавање од областа на бизнисот. Паралелно со сите други обврски се вратив на книгата и ја започнав програмата на МБА-мастер за бизнис администрација – „концентрација програма за човечки ресурси“, така се вика. Овој нов предизвик ме врати назад во клупите на времето кога студирав во Скопје. Прекрасно искуство и тогаш и сега“, кажа Мукаетова во интервју за Вечер.пресс.

Сепак овој брачен пар освен тоа што се многу работливи и вредни, тие се и хумани.

Во Кавадарци, родниот град на парот во тек е изградба на нов зелен парк, а дел од средствата за неговата изградба се донација од сопругот на Јасмина.

Оваа вест а „Фокус“ ја потврди и градоначалникот на градот, Митко Јанчев.

Вели дека Ристов донирал 2.500.000 денари, а пак „Кожувчанка“ учествува со 1.100.000 денари.

– Новиот парк се гради во склоп на споменикот Киро Крстев и ќе претставува модерна зелена површина со повеќе содржини. Нашиот сограѓанин Трајче Ристов, кој долги години со семејството живее во Америка, даде свој придонес, со цел за убаво Кавадарци – појасни Јанчев.

Македонската публика ја нема видено одамна, но според фотографиите кои ги објавува русокосата кавадарчанка гордо им пркоси на времето и годините!