Еве која е мистериозната бринета што му го зароби срцето на НАЈПОСАКУВАНИОТ маж на светот – еве што велат за неа!
Шармантната Никол Потуралски (27) преку ноќ стана главна тема во бројни светски медиуми.
Сега целиот свет се интересира за деталите од нејзиниот приватен и деловен живот, па така дознавме дека манекенката е родена во Германија, каде остварува завидна кариера.
Но таа ќе стане планетарно популарна и тоа во рок од само еден ден откако беше фатена заедно со Бред Пит.
И како што велат неговите фанови, Никол е слика и прилика на поранешните негови сопруги.
Имено, таа е совршен спој и микс на Анџелина Џоли и неговата прва сопруга Џенифер Анистон.
Таа е манекенка веќе 10 години и зборува течно пет јазици, а во деловниот свет позната е како Нико Мери.
Родена е во Германија и има полски корени.
Се има појавено на ревиите во Њујорк, Париз и Милано, како и на насловните во Ел, Космополитан и Мери Клер.
Никол го има синот Емилијо со кого често објавува приказни на својот профил на Инстаграм.
Токму на социјалните мрежи во последните неколку месеци ја споменуваше мистериозната љубов и подобра половина, но досега никогаш никого нема именувано.
Таа како мала сакала да биде морски биолог, а во паркот Дизниленд во Париз ќе ја забележи ловец на модели и нејзините родители ќе дозволат да заплови во манекенските води.
Бројни фанови веќе претпоставуваат дека Бред и Никол се во врска неколку месеци, а причина за тоа се токму нејзините мистериозни пораки на Инстаграм.
Таа има објавено фотографија од Лос Анџелес на која истакна дека е во друштво на својата подобра половина.
Но никогаш не откри за кого станува збор.
Карантинот го помина во Лос Анџелес, а се претпоставува дека токму Бред често и правел друштво.
Бред Пит (56) и Никол излегоа заедно од приватниот авион и потоа отпатуваа на југот во Франција.
Се претпоставува дека ќе престојуваат на имотот на Бред „Château Miraval“ што холивудскиот актер го купи заедно со неговата поранешна сопруга Анџелина Џоли во 2011 година и тоа за неверојатни 67 милиони долари.
Токму на овој имот тие и го кажаа своето судбинско „ДА“.
