Еве како се носи мал црн фустан – Шерон Стоун и на 60 години изгледа неодоливо!
Погледнете го ова фантастично издание на познатата актерка
Холивудската актерка Шерон Стоун отсекогаш важела за една од најсексапилните дами на светот, а тоа го потврди и со ова нејзино издание, 26 години по снимањето на еротскиот трилер „Basic Instinct“ со кој се прослави. Таа целиот стајлинг го заокружи со прекрасни и паметно избрани модни додатоци – бисерна огрлица, складни обетки и црна плико чанта од крокодилска кожа, додека на нозете „фураше“ салонки на високи потпетици зачинети со тантела.
Сепак она што најмногу остави впечаток во ова издание на познатата актерка е нејзиниот елегантен тесен фустан со кој на совршен начин го истакна своето убаво тело додека отвореното деколте суптилно ги нагласи облините.
Нејзината коса беше благо зачешлана наназад и додека во приватното време ретко кога можеме да ја видиме со шминка, актерката за оваа пригода им се препушти на шминкерите и се појави во прекрасно издание кое го заокружи со црвен кармин и нејзината препознатлива насмевка.
