Еве како изгледа сопругата и трите деца на Лазар Бараков, легендата на македонските народни приказни
Нема човек кој не би го препознал ликот на познатиот македонски актер со кој израснаа многу генерации.
Лазар Бараков со неговите интересни улоги во македонските народни приказни остави голем печат заедно со својот тим
Со неговите улоги во македонските народни приказни пораснаа многу генерации, а на некои од нив токму тој заедно со неговите колеги го одбележа и детството на многумина.
Повеќе од 20 години работеше на овој проект, а денес ужива во седмата деценија од животот со сопругата Лилјана и децата Македонка, Викторија и Александар.
Негово најголемо богатство се неговите три деца. Она што можеби е малку познато, е тоа дека неговите деца, Македонка, Викторија и најмалиот Александар Бараков имаа улоги во приказните уште од мали.
Денес тие сè уште го придружуваат својот познат татко тие се негова константна поддршка во е што прави и каде и да се појави.
Неговата ќерка Македонка е психолог, ќерката Викторија архитект, а синот Александар живее во Германија.
Минатата година за многумина беше една од најтешките, но за Лазар донесе голема среќа. Имено, неговиот син Александар кој живее во Германија стана татко, а Лазар горд дедо на малиот Стефан.
Според објавите на социјалните мрежи не е тешко да се забележи дека актерот е посветен на семејството, но и дека е голем љубител на кучиња и мачиња.
Иако некое време правеше пауза од македонските народни приказни се чини дека тој повторно им се врати.
Уште пред некое време тој најави дека се крчка нешто ново, а сега пак објави фотографија со својот колега Гоце Тодоровски и повторно најави: Сериозно, работно … во нови победи.
Во интервју за „Магазин“ тој зборуваше за времето додека се снимаа македонските народни приказни, па вели дека човек може само да сонува за таква љубов кон работата и екипата со која имал шанса да работи.
– Колозов беше двигател, Петрушевски, Тодоровски, Шенка, тие се великани. Јас како помлад член на таа екипа, сите шеги, сите вицови беа на моја сметка. Како најскржав, како поглуп, и улогите ми ги даваа такви, рече тој во интервјуто.
Откако завршил гимназија, на 17 години се запишал на академија во Белград. Само 2 месеци студирал и веднаш заминал за Виена, Австрија, каде останал 2 години, учел јазици и работел разни работи.
Тој истакна дека нешто од внатре го терало да стане актер. „Моите родители мислеа дека студирам нешто друго. Арно ама, кога за првпат се појавив на еден бугарски филм, разбраа дека не сум тоа што требаше да бидам“ кажа Бараков во интервјуто.
