Фасцинантно видео покажува како би изгледало кога би сте се нашле во устата на една голема бела ајкула.
Истражувачите сосема случајно добија многу повеќе материјал отколку што очекуваа кога една гооолема бела ајкула проголта една од подводните „дрон“ камери за истражување на морскиот свет во Тихиот Океан. Камерата која е наречена „Тридент“ продолжи да снима и во устата на предаторот, а видеото го покажува притисокот на мускулите на вилицата, додека ајкулата се обидува да го соџвака уредот.
На крајот, животното ќе ја плукне камерата и ќе замине.
Камерата сè уште работи, а видео материјалот го снимаше Доминик Фрек, софтверски инженер и истражувач на Национална географија, кој во моментов ги проучува ајкулите околу островот Гвадалупе во Мексико.
Иако видеото беше објавено пред неколку месеци, неодамна го привлече вниманието на медиумите и стана вирално.
