Еве зошто НЕ можеме да престанеме да гледаме во ова издание на НАЈПОПУЛАРНИТЕ дами во редовите на ВМРО-ДПМНЕ
Фустани и политика, колку тоа добро звучи!
Не знаеме за вас, но нас дефинитивно не радува фактот што оваа политичка сезона на сцената имаме многу повеќе дами отколку во сите претходни години заедно. Или барем така нам ни се чини затоа што во преден план и во двете партии имаме претставнички на понежниот пол. И можеби се уште не доволно, но очигледно дека во овој контекст работете во нашата земја одат во позитивна насока, а посебно не радува што тоа можеме да го забележиме и во редовите на една конзервативна партија каква што е ВМРО-ДПМНЕ. Но како што досега милион пати сме кажале, нас не нé интересира политиката, туку се обидуваме во се што ни се случува да го пронајдеме само она најубавото.
И токму затоа за денес во фокусот ни се овие две прекрасни дами кои со едно од своите последни изданија не само што ни покажаа дека се подготвени за политика, туку и за волшебната игра со бои, форми и кроеви. Тие многу добро знаат што е во тренд, како истото да го носат и да изгледаат мошне елегантно, модерно и женствено, па ако сакате и сензуално, посебно заради изборот на нивните фустани.
Тие и двете носат женствени и заводливи модели кои можат да го задоволат секој вкус и стил на секоја дама.
Во прашање се долги летни фустани кои можеме да ги носиме од утро до мрак, кои се идеални за прошетка низ градот, но и со мали интервенции можат да се претворат и во одличен избор за свечени вечерни пригоди.
Рашела овој пат одлучи да носи риги кои се апсолутен хит веќе неколку сезони, посебно во комбинација со вака тренди бои, додека нејзината сопартијка, професорката Гордана, ја избра најпопуларната летна боја која во комбинација со нејзината црвена коса изгледа прекрасно.
Таа целото издание го заокружи со голема чанта повторно во пастелна розова нијанса и заштитна маска во слична боја, додека Рашела со чантичка во жолта боја, ѓердан во впечатлива сина боја и со нејзината ретро фризура од која не можеме да престанеме да се воодушевуваме.
Па инспирирани од овие изданија на овие две дами решивме да направиме една галерија со најубавите летни фустани за кои сме сигурни дека ќе ви се допаднат.
