Дете опседнато со Лего коцките пoчина само неколку месеци откако РОДИТЕЛИТЕ му открија израсток на ногата во форма на грашок
За израстокот на ногата на осумгодишно момче испаднало дека станува збор за неизлечлив рак, по што момчето трагично го загубило животот.
Неговиот татко изјавил дека момчето се грижело за своето семејство и во моментите кога го испуштало последниот див.
На 8-годишниот Чендлер Тран, опседнат со Лего, му бил дијагностициран остеосарком – ретка форма на рак на коските, откако во април почнл да се жали на тегоби, а неговите родители забележале грутка со големина на грашок на неговата потколеница.
Чендлер го загубил животот во петокот наутро, по 7-месечна битка со тешката болест, неговото семејство одлучило да го прекине лекувањето.
Неговиот татко Конг Тран (42) изјави за Daily Mail Australia дека дури и додека Чендлер лежел на cмpттнa постела и во болка, тој повеќе се грижел за благосостојбата на неговото семејство.
„Чендлер избра да не остави мирно, во сон, во петокот во 2 часот наутро,25 ноември 2022 година“, изјавил неговиот татко.
„Тој чекаше сите да дојдат да се простат со него тој ден, а потоа да заспие покрај мајка му, пред да го земе последниот здив“.
„Веќе ни недостига толку многу“.
Татко му рекол дека ја раскажува приказната на Ченлдер со цел да ја подигне свеста за остеосаркомот.
Страницата GoFundMe му помага на семејството да ги покрие медицинските трошоци и трошоците за погреб, а досега се собрани повеќе од 100.000 долари.
Г-дин Тран претходно за Daily Mail Australia во ноември изјавил дека семејството првично верувало дека нивниот син се удрил во нешто кога ја забележале грутката, не поголема од грашок, на неговата нога.
„Беше Велики петок и штотуку заврши празничниот одмор кога дојде дома и видовме дека малку куца“, рекол г-дин Тран.
„Мислевме дека сигурно удрил со коленото или потколеницата на нешто, но тој ни кажа дека ништо не се случило“.
„Имаше само мала испакнатина на неговата нога, со големина на зрно грашок и јас ја боцкав.
„Не му предизвикуваше многу болка освен кога го пипкав, па оставивме да отспие и да видиме дали нешто ќе се промени преку ноќ“.
Г-дин Тран го однел својот син во болницата Ферфилд, во западниот дел на Сиднеј, каде што направиле рендген и магнетна резонанца.
Резултатите стигнале на 4 мај, потврдувајќи ги нивните најголеми стравови дека Чендлер има ретка форма на рак на коските на ногата, остеосарком, како и канцерогени тумори на белите дробови.
Чендлер почнал со хемотерапија и бил ставен на план за спасување на екстремитетите во обид да си ја спаси ногата.
Сепак, ракот продолжил да се шири и состојбата на неговата нога продолжила да се влошува, па семејството решило да донесе тешка одлука и да ја ампутира ногата до надколеницата.
„Му објаснивме сѐ на Чендлер и тој имаше разбирање и знаеше за што се работи“, рече г-дин Тран.
Непосредно пред операцијата, Чендлер го замолил својот татко да му помогне да напише проштална порака до неговата нога.
Тој напиша: „Драга ного, многу ќе ми недостигаш кога ќе те нема, те сака Чендлер“, пишува на фотографијата направена од неговиот татко.
Операцијата се случила на почетокот на октомври и тој останал во детската болница Вестмед за да продолжи со хемотерапијата.
Сепак, по околу една недела од снимките од ампутација на ногата покажале дека неговите бели дробови продолжиле да се влошуваат и дека ракот напредувал.
„Имаше течност во десното белодробно крило, а големината и бројот на тумори се зголемија во текот на средината на октомври“, рече г-дин Тран.
„Имавме состанок со лекарите и во тој момент сите се согласивме дека нема смисла да се прави понатамошен третман за ракот бидејќи тој напредувал премногу во белите дробови“.
„Ни рекоа дека ништо повеќе не можат да направат“.
Г-дин Тран рекол дека иако одлуката да го прекинат лекувањето значела дека тие знаеле дека ќе дојде крајот, тоа исто така значело дека Чендлер нема да мора да страда уште со повеќе медицински процедури.
„Наместо тој да страда, знаејќи дека сепак ќе го изгубиме, повеќе би сакале да му биде удобно и да поминеме време надвор од болницата со него“.
Татко му додал дека додека бил во болница Чендлер си играл со Лего и тоа го правело смирен додека престојува таму.
„Неговиот омилен сет е замокот Icons Lion Knights кој се состои од 4.500 парчиња“.
„Првата половина ја изгради дома, а другата ја купивме за да ја изгради во болница и така ги помина неелите по операцијата“.
„Сето тоа направи да се чувствува удобно и зафатено“.
„Многу истражуваше за Лего и ја знеше целата историја на компанијата, па така наиде и на својот херој Тиаго Катарино, поранешен дизајнер на Лего во Данска“, раскажа таткото.
ФОТО: Принтскрин
ФОТО: Принтскрин
ФОТО: Принтскрин
ФОТО: Принтскрин
