Горд татко и среќен маж – погледнете каква убавица е сопругата на македонската фудбалска легенда Горан Пандев (фото)
Македонската фудбалска репрезентација го исполни сонот и се пласира на прво и историско Европско првенство.
Победата во Грузија ја донесе Горан Пандев со голот во 56. минута од натпреварот, кој беше доволен за големиот успех на нашата репрезентација.
Капитенот и лидер на оваа селекција призна дека е пресреќен за пласманот на Македонија на дебитантски голем собир, а меѓу другото кажа и што неговите сопруга и деца му порачале пред тргнувањето од Италија.
„Успехот го посветувам на мојата фамилија, тие се мојата инспирација и помош. Кога ме испратија од Италија, жената и децата ми порачаа: Тато без Европско првенство да не се враќаш. Среќни се сите, а јас сум најсреќен. Уште не верувам дека го остваривме сонот, ама за некој ден ќе разбереме што сме направиле. Кога го дадов голот погледнав кон небото и помислив дека вербата во бог ќе те награди. Знаеме дека долги години се мачевме во фудбалот, ама сега треба сите заедно да се радуваме бидејќи тоа го заслужуваме“, изјави Пандев по победата на македонската репрезентација.
Инаку, популарниот фудбалер Горан Пандев ретко објавува фотографии од семејството на социјалните мрежи, но секако дека постојат и исклучоци од кои можеме да видиме како изгледаат веселите семејни моменти на македонската фудбалска легенда. Тој од 2009 година е во брак со прекрасната Надица Хаџи-Скерлева, која исто така е родум од Струмица и со која има три дечиња – синот Филипо, ќерката Ана и најмалата Софија која се роди во 2018 година.
Тој го има носено дресот на вкупно 8 фудбалски тима: Беласица, Интер, Специја, Анкона, Лацио, Наполи, Галатасарај и Џенова и по долги години игра за најдобрите италијански клубови, на 25 февруари 2019, на Пандев конечно му е издадено италијанско државјанство.
55TH MINUTE: GOOOOOAAAAAALLLLLLLLL
GORAN PANDEV.
GREAT GOAL.
ELIF ELMAS MADE IT HAPPEN. BEAUTIFUL FROM ELIF, TO NESTOROVSKI WHO FINDS PANDEV. GORAN THEN DISPLAYS GREAT FINISHING TO GET IT PAST THE KEEPER.
I WAS PRAYING PLEASE NO OFFSIDE WITH VAR AVAILABLE. NOT OFFSIDE. GOAL pic.twitter.com/dXBUIEuYr7
— Macedonian Football (@MacedonianFooty) November 12, 2020
Кариерата ја започна во ФК Беласица од Струмица, а летото 2001 година, на само 18 години, е продаден на Интер од Милано за сума од 250.000 евра.
На 15 април 2006, Пандев во дресот на Лацио за прв пат во кариерата постигнува два гола на еден натпревар во победата со 3-1 над Ливорно.
Пандев има помал брат, Сашко Пандев, кој исто така е фудбалер – бивш младински репрезентативец и член на ФК Турново.
Најголемиот успех со Лацио, Пандев го остварува во 2009 година, кога го освојува Купот на Италија, при што со постигнатите седум голови, тој е најдобар стрелец во ова натпреварување. За Лацио, Пандев има одиграно вкупно 159 натпревари во кои постигнува 48 голови.
