Голема тpaгeдиja: Момче си го одземало животот откако било отфрлено од 18 различни згрижувачки семејства
Истрага покажа дека тинејџер од Јужна Австралија си го одземал животот порадо постојаната промена на згрижувачки семејства, а успеало да промени дури 18 згрижувачки семејства.
Државниот судски лекар Дејвид Витл не смета дека cм-pттa на 13-годишното момче можела да се спречи.
Тој истакна дека околностите поврзани со cм-pттa на Жане Чилкот во 2016 година биле сложени и мултифакторни, и затоа е комплицирано прашањето дали cм-pттa на момчето можела да се избегне.
Тој вели дека не е сигурно дали доколку му било овозможено лекување на траумата која ја имал поради промената на семејствата, момчео немало да посегне по својот живот.
„Сепак, откривам дека во случајот на Жане имало голем број пропуштени можности да се ублажат шансите за самоубиство.
„Доколку тие неуспеси не се случеле, може само да се каже дека ризикот Жан да си го одземе животот сигурно би бил помал“.
Тинејџерот уште на 12-месечна возраст започнал со менување на згрижувачки семејства.
Неговиот краток живот бил обележан со значителна нестабилност при сместувањето што доведува до минимална можност да развие значајни и сигурни односи со возрасните кои се грижеле за него.
Бранителката Гилс истакнала дека Жан исто така имал проблеми со однесувањето и проблеми во училиште, предизвикани од значителни трауми и недостаток на помош во критичните моменти од неговиот живот.
Во една фаза, тој бил сместен кај искусен згрижувач, па оние кои го познавале велат дека процветал, почнал редовно да посетува училиште и бил номиниран за лидер.
Но, кога негувателката рекла дека не може да продолжи да се грижи за момчето без зголемување на средствата, властите одбиле да обезбедат дополнителни пари.
Наместо тоа, Жан бил сместен во станбен објект.
Г-дин Витл повика на преиспитување на плаќањата на семејните згрижувачи во обид да се зголеми бројот на луѓе кои се подготвени да примат деца и препорача да се воспостави контакт со семејството на згрижените деца најмалку еднаш на секои 12 месеци.
