Вознемирувачка фотографија: Кучиња влечат санка по стопениот Гренланд

Данскиот метеорологот Стефен Олсен бил на рутинска мисија на северо-запад од Гренланд, во склоп на која требало да собере метеоролошки инструменти кои ги поставиле неговите колеги, а тој наишол на голем проблем, пишуваат од Си-ен-ен.

Тој ја снимил оваа фотографија на која се гледа како кучињата ја влечат санката и стојат до глуждовите во длабоката вода стана.

Олсен на Твитер предупредил дека автохтоните заедници на Гренланд “се ослонуваат на замрзнатото море за превоз, лов и риболов“. Тој оваа алармантна фотографија ја направил на 13-ти јуни околу пладне по локално време. Олсен напишал на Твитер дека кучињата во тој момент се наоѓале на 1.2 метри дебел морски мраз кои го преплавиле стопените површински води.

Летната сезона на топењето на мразот на Гренланд обично трае од јуни до август, со тоа што најмногу од замрзнатиот покров привремено исчезнува во јули, кога е најтопло. Но, оваа година Гренланд веќе на почетокот на јуни изгубил масивен дел од својата замрзната површина, околу 40 отсто.

Научниците веќе со месеци предупредуваат дека оваа година може да дојде до масовно топење на мраз на најголемиот остров на светот, а првите резултати укажуваат на тоа дека се во право.