Владе (63) од Лакавица цели две недели ништо нема јадено – ПЛАЧЕ ПРЕД КАМЕРИТЕ, НЕМА КОЈ ДА МУ ПОМОГНЕ
Му го одзеле телефонот и не можел да се јави на никого
Од ден на ден сé повеќе луѓе во Македонија се соочуваат со немаштија, но и не се во можност да живеат пристоен живот.
Впрочем за тоа зборуваат и бројните видеа за сиромашни семејства што ги објавуваат нашите медиуми.
Едно такво трогателно видео деновиве објави штипската телевизија ТВ Стар во кое се зборува за 63 годишниот Владе Маџовски, од штипското село Лакавица, кој цели две недели не јадел ништо.
Како што се вели во прилогот, Владе е речиси неподвижен, со три мозочни удари и е во тешка здравствена состојба.
Фото: Принтскрин/ Јутјуб, ТВ Стар
Ограбен и две недели гладен
На болниот крадците му го украле мобилниот телефон и тој не можел да се јави на најблиските за да му помогнат.
Тој сега е во домот на неговата сестра која се грижи за него, но како што самата вели, таа нема услови тоа да го прави долго..
Фото: Принтскрин/ Јутјуб, ТВ Стар
Од овие причини таа бара помош од институциите за негово згрижување, бидејќи тој самиот за себе не може да се грижи.
Повеќе за овој болен човек погоден од животното беспаќе и оставен да живее сам како инвалид, погледнете во продолжение.
