Анета и „Молика“ распалија по Македонската телевизија – Седум години по ред само банани лупете!

Нов скандал поврзан со македонската музичка сцена

Анета Мицевска пејачка на македонскиот бенд Молика заедно со членовите се револтирани затоа што нивната песна не беше избрана да ја претставува Македонија на Евровизија кој треба да одржи во Лисабон. Нивната песна не само што не беше избрана, туку не се ни пласираше во вториот круг каде од страна на жирито составено од музички новинари, по три елиминациони кругови беше избрана песната „Lost and Found“ на „Ај Кју“ како најсоодветна за натпреварот во Португалија. Еве што пишува во нивниот статус:

„А бре Македонска телевизија! Нити ве бивало за нешто, ниту ќе ве биде некогаш! Имавме кажано многу пати ние од Молика да не учествуваме на фестивали кои вие ги организирате, ама ајде, овој пат се надевавме на регуларно гласање за избор на песна за Евровизија. И што направивте? Ќе си видите по осми мај (денот на одржување на настанот), исто како што си гледате секоја година, поточно седум години назад по ред лупете банани! Ама некој друг плаќа, поточно македонскиот народ, за вие да шетате со туѓи пари. Ние многу добро знаеме кои сме и колку можеме, а за Анета вие од МРТ немате капацитет за да слушнете која е и колку вреди. Не се секирајте, има некој од надвор што знае што е добро и што вреди. Толку од нас, во иднина да заборавете на Анета и ‘Молика’!“, стои во статусот на група Молика кој беше објавен пред неколку дена на Фејсбук.