Тажна вест – познат музичар ја изгуби битката од корона вирусот
Познатиот аргентински музичар Марсело Пералта го изгуби животот како последица од коронавирусот во Мадрид, на 59 годишна возраст, пренесуваат светските медиуми.
Тажната веста ја потврди неговиот колега и голем пријател, Гиљермо Бацола.
„Жал ми е што морам да ве известам дека мојот пријател Марсело Пералта ја изгуби битката со болеста. Беше сјаен музичар и прекрасна личност. Секој што имаше привилегија да го познава се гордееше со него. Марсело беше еден од моите најблиски и најстари пријатели. Го запознав во 1982 година и бевме ‘одвоени’ во текот на годината само кога тој беше во Мадрид, а јас се уште во Буенос Аирес. Останатото беше музика, уживање и забава, и тоа секогаш ќе го памтам… скршен сум, но чувствувам одговорност да ја пренесам веста на сите“, напиша Бацола на својот профил на Фејсбук и апелираше до луѓето да водат повеќе сметка за своето здравјето.
Марсело Пералта се роди во Буенос Аирес во 1961 година. Студираше клавир и музичка теорија, а во 1979 година доби сертификат за професор по музичка култура. На 18 години почна да свири на саксофон и беше заинтересиран за Сержо Шалофа, а беше инспириран и од големите музичари како Џон Колтрејн, Алберт Ајлер и Орнет Колмен.
Од 1996 година живееше во Мадрид.
Свиреше на бројни фестивали, каде покажа завидна техника во свирење на саксофон.
Погледнете еден од неговите настапи:
