Што мислите колку вреди неколку часа играње видео-игри и неколку напишани реченици на Твитер за тоа?
Па ако вашето име е Тајлер Блевинс за тоа би можеле да добиете милион долари. Да, да, добро прочитавте. Тој во светот на социјалните мрежи е познат како Нинџа и важи за најплатениот видео-играч на светот.
Блевинс беше еден од ретките избрани професионалци со голем број фанови кои „Electronic Arts“ ги одбра за промоција на својата најнова игра „Apex Legends“.
ADVERTISEMENT
27-годишниот Тајлер кој е познат и по своите чести промени на бојата на косата, за новата игра на оваа компанија објави Твит на 5 февруари, играјќи пред повеќе од 13 милиони следбеници што ги има на платформата за стриминг на „Twitch“. За тоа, компанијата му плати околу еден милион долари (или околу 50 милиони денари) откри извор за Ројтерс.
Претставниците на „Electronic Arts“ одбија да ги коментираат износите, но потврдија дека исто така го ангажирале и полско-канадскиот стример „Shroud“ кој има речиси 6 милиони следбеници на „Twitch“, но и некои други професионални гејмери од целиот свет.
Цената на акциите на EA и пазарната вредност се зголеми за 16 отсто, или за 4 милијарди долари, и тоа за само три дена по лансирањето на „Apex Legend“, а еден месец подоцна играта има 50 милиони корисници.
