Лила во најубавиот костим за капење што сме ја виделе – модел што секоја дама треба да го има во плакарите

Лила Филиповска во ова издание изгледа божествено, летната сезона може да започне

Fashion Alert2 недели ago

6.089 1 minute read

Водителката реши да ги наполни своите батерии

Иако летото се уште не е почнато, нашата позната водителка Лила Филиповска веќе ужива за „сите пари“ во убавото време.

Таа реши да се опути и да ги наполни своите батерии, па отпатува на една од омилените дестинации на Македонците.

Имено, таа веќе неколку дена ужива во Турција, во еден од најубавите хотели во Бодрум, од каде редовно објавува фотографии.

И откако се пофали со изгледот на хотелот во кој престојува и го покажа луксузот со кој е опкружена, Лила го облече својот омилен костим за капење и направи фотографии за паметење.

Таа за оваа пригода избра едноделен модел со црно-бели линии со кој максимално го истакна своето раскошно тело.

„Јас не можам да живеам поинаку освен по срцето, кој сака нека игра по правила“, напиша Лила под своите најнови фотографии на кои изгледа како на разгледница.

Ведра и расположена, водителката покажа како ужива покрај базенот, па следуваа бројни коментари дека изгледа беспрекорно.

Но покај тоа што изгледаше феноменално во ова издание, не можеше да остане незабележан и костимот за капење што го носеше.

Едноделните модели оваа сезона се враќаат на голема врата, а гледаме дека и нашата позната водителка ги обожава.

Овој пат таа носеше црно-бел модел, една од омилените комбинации на бои на многу познати светски дизајнери.

Имено, едноделните модели се одличен избор за секоја жена, без разлика на тоа за каков тип на тело станува збор, а со ваквите минималистички варијанти, со црно-бели детали, едноставно не можете да згрешите.

Покрај тоа што можат да го сокријат секој недостаток, тие визуелно го стеснуваат телото и прават да изгледате уште поубаво.

Токму затоа и веќе со децении важат за еден од омилените модели на многу познати светски дами и тренд кој не излегува од мода.

Во продолжение погледнете неколку вакви костими за капење кои се одличен избор за дами што не сакаат модели што „врескаат“, но и во кои што ќе се чувствувате како божица на плажите.