Емотивна страна: Љупчо Николовски ја покажа својата убава сопруга – погледнете како младиот брачен пар ужива во љубовта!

Генералниот секретар на СДСМ ужива со својата сопруга

Младиот политичар од редовите на СДСМ, од минатата години ужива во бракот со сопругата Андријана.

Генералниот секретар на СДСМ и поранешен министер за земјоделие, Љупчо Николовски, е горд на фактот што има таква сопруга покрај себе, па на својот профил на социјалните мрежи не ретко објавува заеднички фотографии.

Секој пар има свој начин да ја покаже својата љубов – некои купуваат цвеќе, а некои го следат во чекор својот партнер и го поддржуваат во сé што работи. Младиот политичар очигледно ја има оваа поддршка од својата сакана, па под една нивна заедничка фотографија ќе напише:

„Душата на место, срцето исполнето. Со добра мисла деновите се секогаш поубави. Наоѓајте секогаш време за оние кои ви се најмили, кои се тука за вас тогаш кога ви оди сè од рака, но и тогаш кога сте турнати во лоши мисли поради нешто. На крај на денот, за нив живееме. Сакајте се, чувајте се и имајте убав празничен викенд! Ве поздравувам од преубавиот Свети Наум“ напиша Љупчо на својот профил на Инстаграм.

Тој облечен во поло маичка, а таа со сламен шешир на главата позираат покрај изворите на преубавото Охридското езеро. Од заедничките фотографии можеме да видиме дека љубовта им цвета и дека и двајцата уживаат во бракот.

Бидејќи и двајцата се по потекло од Крива Паланка, за нивата љубов многу се зборуваше.

Тие беа неколку години во врска, па по некое време ја прекинале врската, по што Андријана заминала во Словенија. Таа тогаш работеше во меѓународната компанија Интеренерго, со седиште во Љубљана. По неколку години разделеност, тие случајно се сретнале на први јануари 2019 година и сфатиле дека љубовта е посилна од се’. Продолжиле таму каде што застанале, но овој пат многу позрели и поискусни, а по некое време ќе го кажат и своето судбоносно „да“.

Инаку, Љупчо Николовски откако беше сменет од министерското место беше назначен за генерален секретар на СДСМ. Тој дојде на местото на неговиот сопартиец Александар Кирацовски, кој беше разрешен од функцијата најверојатно како превенција поради случувањата со Бојан Јовановски, попознат како Боки 13 и случајот „Рекет“.

Пред да дојде на негово место, Љупчо беше министер за земјоделство, шумарство и водостопанство. Тој по потекло е од Крива Паланка, каде во младоста работел и како ди-џеј во единствената дискотека во овој град.