Еден сопственик на приватна компанија за празниците им приреди изненадување на работниците какво никој не очекуваше
Работниците од една приватна компанија од Мичиген се воодушевени од неверојатниот подарок што го добија за празниците.
Компанија „FloraCraft“одвои бонуси за своите 200 работници во вкупна вредност од речиси 4 милиони долари.
Тоа е фабрика за производи од пена, кои се продаваат во многу американски синџири на продавници, како и преку „Амазон”, а се наменети за украсување и во цветната индустрии.
Компанијата е основана во 1946 година, а нејзиниот сегашен извршен директор и сопственик, Ли Шенкер, ја води од 1973 година. Тој на 14 декември, ја објави одлуката за бонусите на свечената вечера со своите вработени. Работниците му аплаудираа, а некои дури и заплакаа од среќа.
This is what owning a small business is all about, Kudos to Lee Schoenherr >> Family-owned FloraCraft giving its 200 employees millions in bonuses https://t.co/vFlSDgJjjv pic.twitter.com/8yoC2VHgi3
— Kevin O'Keefe 🇺🇦 (@kevinokeefe) December 21, 2018
„Тоа е она што Ли сакаше да го направи со години. Во февруари тој пред управниот одбор кажа ‘Мислам дека оваа година мораме да смислиме како да го направиме тоа‘”, изјави Ерик Ервин, еден од главните менаџер на „FloraCraft”.
Како што најавија од компанијата, секој бонус е направен со оглед на тоа колку долго работникот работел во компанијата. Работниците ќе го добијат бонусот во два дела. Првиот дел ќе го добијат во готово до крајот на следната година, а другиот на сметката до крајот на март 2020 година.
El dueño y CEO de la compañía FloraCraft sorprende a sus empleados con un regalo de $4 millones en bonos de Navidad https://t.co/py3h5w2vkf pic.twitter.com/qmlvYAc3Pv
— Mega Ricos (@MegaRicos) December 20, 2018
Вредноста на бонусот ќе биде од 20.000 до 60.000 долари по работник. Компанијата ова го чуваше во тајност се до свечената вечера кога ги соопштија бонусите, за целото време држејќи ја својата намера како строго доверлива тајна.
Инаку, во „FloraCraft” никогаш немало отпуштања поради технолошки вишок или поради неодговорно работење.
