Еве како треба да се пее песна од Блага Петреска и Ефто Пупиновски – Јованка и Огнен го украдоа шоуто
Македонските Гранд ѕвезди растураат во Белград
Скопјанката Јованка Јакимовска Митревска Јо (46) растури повторно со својот настап во популарното шоу за ветерани.
Како што и самата повеќе пати има истакнато, таа воопшто не се кае што се пријавила за „Никогаш не е доцна“, а публиката, па и сите претставници на жирито бе воодушевени од нејзиниот последен настап.
„Сјајно, а го знаеме и оригиналот кој е сјаен. Ти даде еден друг впечаток и некако песната уште повеќе му е блиска, да бидам искрен. Твојот темперамент дојде до израз во ваква лесна песна, што е најтешко за пејачот. Ти честитам, сериозно напредуваш од емисија во емисија, сé повеќе ти годи и тоа се забележува“, заклучи композиторот Саша Милошевиќ Маре по нејзиниот настап.
Принтскрин/ Јутјуб, Никогаш не е доцна
Инаку, Јованка се претстави со песната „Мој град“ од Марија Шерифовиќ, а по настапот публиката побурно ја награди со аплауз.
Сличен коментар дадоа и останатите претставници на жирито, а Јованка потоа во ревијалниот дел настапи со уште еден Македонец.
Принтскрин/ Јутјуб, Никогаш не е доцна
Станува збор за младиот пејач Огнен Здравковски кој се прослави со учеството во „Ѕвездите на Гранд“, а кој со Јованка овој пат заедно ја изведоа незаборавната „Песната може сé“, големиот хит од пред три децении на Блага Петреска и Ефто Пупиновски од истоимениот албум на легендарната македонска пејачка.
Принтскрин/ Јутјуб, Никогаш не е доцна
Талентираната Јованка по шоуто даде интервју за Гранд во кое призна дека беше понесена од емоциите како никогаш досега.
Како што самата вели, таа била понесена од емоциите и атмосферата, но и од песните што ги пеела и кои и се при срце.
Принтскрин/ Јутјуб, Никогаш не е доцна
Тоа е песна што зборува за песните. Како да ви кажам, сите ние имаме некоја песна што ни ја подига енергијата и која што сакаме да ја слушнеме кога сме среќни, но имаме и такви што ги слушаме кога сме тажни. Но најважно е тоа што песната секогаш е лек за душата“, порача со насмевка Јованка за Гранд.
Принтскрин/ Јутјуб, Никогаш не е доцна
Нејзиниот настап, но и оригиналната верзија на оваа песна на Блага Петреска и Ефто Пупиновски, погледнете ги во продолжение…
