Еве зошто Вања е убиена пред да бараат пари за откуп – таткото речиси во истото време пријавува во полиција
Нови детали во врска со грозоморното убиство
![](/wp-content/uploads/2023/12/vanja17-780x470.jpg)
Телото на малолетната Вања Ѓорчевска (14) е пронајдено вчера во атарот на селото Бразда, во близина на Скопје.
Како соопштија од МВР и обвинителството мотивот за киднапирање на Вања е користољубие, а на денешната прес-конференција беше соопштено дека киднаперите ја ликвидирале заради паника.
Наводно тие откако виделе дека целиот регион ја бара, ја убиле девојката и нејзиното тело го закопале.
![](/wp-content/uploads/2023/12/oliver1.jpg)
Тоа го изјавил еден од осомничените, а како што соопштија министерот Оливер Спасовски и јавниот обвинител Гаврил Бубевски на денешната прес-конференција и на полицијата се уште не е познато зошто ја убиле девојката пред да побараат пари за откуп.
Претходно на прес-конференцијата беше потврдено дека и таткото на девојчето учествувал во организирање на киднапирањето.
Како што изјавиле приведените осомничени лица во текот на истрагата, тие информации за Вања добивале од првоосомничениот кој моментално не е достапен за органите на прогонот, а тој им кажал дека истите наводно ги добивал директно од таткото на убиеното девојче.
![](/wp-content/uploads/2023/12/vanja-3.jpg)
Таткото негира вмешаност во случајот.
Тој во понеделникот на 27 ноември, околу 11 часот пријавува дека неговата ќерка е исчезната откако претходно тоа го направи и неговата поранешна сопруга, односно мајката на Вања.
На таткото за сега не му е изречена мерка притвор за да се обезбеди присуство во текот на истрагата.