Боки 13 на судењето изгледаше страшно
Со големи подочници и матен поглед обвинетиот го следеше судењето, а при пристигањето го држеа полицајци бидејќи одвај се движеше. Заради првообвинетиот и судењето доцнеше 45 минути, а покрај бројните новинари присуствуваа и претставници од американската амбасада и ОБСЕ.
Боки кој се изјасни како невин изјави дека е тешко болен, но дека сака да учествува во судењето, на што обвинителката Вилма Русковска се спротивстави и рече дека Боки и неговиот адвокат сакаат да ја одолговлечат постапката.
Таа го потврди тоа и со лекарската документација издадена од болницата „8 септември“ според која Боки е во добра здравствена состојба и може да го следи судењето.
Судијката истакна дека во судот има медицинска екипа која ќе го прегледа обвинетиот, по што ќе одлучи дали судењето ќе продолжи.
