Беше една од најпознатите ријалити ѕвезди во Македонија – се ожени со кошаркар, па се разведе и остана сама со својата ќерка

Поранешната манекенка во топ форма, па тешко е да се поверува дека има и дете.

Александра Накова која е поранешен модел и учесник во познатото регионално шоу „Преживеан“ од ден во ден ги воодушевува своите фанови.

Совршено тело и лице, Александра едноставно блеска, па затоа на многумина им е тешко да поверуваат дека таа е мајка.

Александра Накова се прослави со нејзиното учество во „Танц со ѕвездите“ и „Преживеан“, а потоа долго време ја немаше во јавноста.

Сепак тоа беше од оправдани причини бидејќи во меѓувреме ја роди ќеркичката Леа, а потоа следуваше и тежок период во нејзиниот живот бидејќи се разведе од сопругот и таткото на нејзиното дете, кошаркарот Никола Гајдаџиев.

Манекенката успеа да ги преброди проблемите и во текот на 2017 година повторно почна да се појавува во медиумите.

По повод новогодишните празниците објави фотосесија од својата ќерка и покажа колку пораснала, но и дека неодоливо потсетува на мама.

Леа насмеана позираше најпрвин сама, а потоа и заедно со Александра која гордо ги објави фотографиите на својот Инстаграм профил.

Секако повеќе од очигледно е од кого Леа ја наследила убавината, па можеби еден ден ќе стане манекенка и модел како мама Александра.

Инаку Александра во последно време се фокусираше исклучиво на себеси и на својата наследничка, но и на својот нов бизнис, па неодамна отвори бутик за луксузна гардероба во родната Гевгелија, па сега на социјалните мрежи се почесто објавува фотографии во кои ги рекламира своите шик производи.